ठाकुर्ली येथील अतिधोकादायक असलेली इमारत जमीनदोस्त

CRIME BORDER

डोंबिवली (- अविनाश वाकचौरे ) : कल्याण डोंबिवली महानगर पालिकेच्या फ प्रभाग क्षेत्र अंतर्गत ठाकुर्ली पोलीस चौकी समोरील ठाकुर्ली स्टेशन रोडवरील शिवकृपा नावाची ही इमारत गेल्या चाळीस ते पन्नास वर्षा पूर्वीची जुनी असून ही सध्या अतिधोकादायक झाली होती. सदर इमारतीस कल्याण डोंबिवली महानगरपालिका कडुन गेल्या सहा वर्षांपासून नोटीसही देण्यात येत होती अखेर ही इमारत अतिधोकादायक असल्यामुळे महानगरपालिकेने कारवाई करत ती जमीनदोस्त केली सदर वेळेस नागरिकांच्या सुरक्षिततेच्या दृष्टिकोनातून ठाकुर्ली म्हसोबा नगर ते ठाकुर्ली स्टेशन हा रस्ता ही रहदारीसाठी बंद करण्यात आला होता सदर वेळेस या ठिकाणी महानगरपालिका प्रभाग क्षेत्र अधिकारी भरत पाटील,तसेच महानगरपालिका कर्मचारी, डोंबिवली वाहतूक शाखा सहाय्यक पोलीस निरीक्षक राजेश्री शिंदे,वाहतूक पोलीस कर्मचारी तसेच डोंबिवली रामनगर पोलीस ठाण्यातील अधिकारी व कर्मचारी उपस्थित होते महानगरपालिका प्रभाग क्षेत्र अधिकारी भरत पाटील यांनी या आधीही ठाकुर्ली तसेच डोंबिवली परिसरातील अतिधोकादायक इमारतींवर कारवाई करून त्या जमीनदोस्त केल्या व यापुढेही ते अशाच अतिधोकादायक इमारतींवर कारवाई करतील असे समजले.