ठाणे वीज चोरी प्रकरणी वीज चोराचा जामीन अर्ज फेटाळला

क्राईम बॉर्डर न्यूज नेटवर्क

ठाणे : वीज चोरी प्रकरणी ठाणे सत्र न्यायालयाने एका व्यक्तीचा अंतरीम जामीन फेटाळल्याने वीज चोरांमध्ये खळबळ उडाली आहे.जुलै २०२१ मध्ये टोरंट पॉवर कंपनीच्या अधिकाऱ्यांनी डायघर मोकाशी पाडा येथील असिफ शेख यांच्या कॅबीन बनवण्याच्या गाळ्यात छापा मारून वीज मीटर शिवाय थेट वीज वापरल्या मुळे रूपये ५ लाख १३ हजारांची वीज चोरी पकडली होती.त्यानंतर सदर वीज चोरीची रक्कम भरण्यासाठी असिफ शेख यांना संधी देण्यात आली होती.मात्र वारंवार संधी देऊनही त्यानी त्यात स्वारस्य दाखवले नाही.अखेरीस कंपनी तर्फे असिफ शेख यांच्यावर पोलिस ठाण्यात वीज अधिनियम २००३ च्या कलम १३५ अन्वये वीज चोरीचा गुन्हा दाखल करण्यात आला.

अटक टाळण्यासाठी असिफ शेख याने ठाणे सत्र न्यायालयात अटकपूर्व जामीनसाठी अर्ज केला होता. सोमवार ४ ऑक्टोबर २०२१ रोजी ठाणे सत्र न्यायालयाने सर्व बाजू तपासून असिफ शेख याचा जामीन अर्ज फेटाळण्यात आला. पुढील कार्यवाही डायघर पोलिस ठाणे करीत आहे.