निभोरा येथे चोरट्यांनी पोस्टाची तिजोरी लांबविली

प्रतिनिधी निलेश चौधरी

रावेर : निभोंरा येथील वडगांव रस्त्यावर असलेल्या पोस्ट ऑफिसमध्ये दि.५ नोव्हेंबरला रात्री ११ ते ३ वाजेच्या सुमारास चोरट्यांनी पोस्ट ऑफिसच्या दरवाज्याचे कुलूप तोडुन सिमेंट कॉक्रिटमध्ये बसवलेली २ क्विंटल वजनाची तिजोरी कॉक्रिट तोडून चोरून नेली .चोरून नेलेल्या पोस्टाच्या तिजोरीतील २१,५००/- रुपये तसचे भारतीय पोस्टल ऑर्डर ९००/- चा मुद्देमाल चोरून नेला . उपडाकपाल प्रकाश चौधरी वय ५६ रा . भुसावळ फिर्याद दिल्यानंतर १९०/ २२ भां.द.वि. ४५७, ३८० याप्रमाणे निंभोरा पोलीस स्टेशनला गुन्हा दाखल करण्यात आला आहे .

घटनास्थळी फैजपूर विभागाचे डिवायएसपी डॉ. कुणाल सोनवणे, जळगाव स्थानिक गुन्हे शाखेचे पोलीस निरीक्षक नजन पाटील, श्वान पथक, फिंगर प्रिंट स्टॉफ तसेच निभोंरा पोलीस स्टेशनचे प्रभारी स.पो.निरी. सिध्देश्वर आखेगावकर, पो. उप.निरी. काशिनाथ कोळबे यांच्या मार्गदर्शनाखाली पुढील तपास पो. हे . कॉ . विकास कोल्हे हे करीत आहे.