बेटावद ग्रा पं वर युवाशक्ती पॅनल चा झेंडा

बेटावद बुद्रुक ,ता.जामनेर (प्रतिनिधी) : नुकत्याच पार पडलेल्या ग्रा. पं .सार्वत्रिक निवडणुकीत बेटावद बुद्रुक ग्रा. पं. वर युवाशक्ती पॅनल ने झेंडा रोवला.९ पैकी ५;जागा जिंकत बहूमतात येण्याचा मान युवाशक्ती पॅनलला मिळाला.

तर विरोधात असलेल्या गावकरी पॅनलला ४ जागांवर विजय मिळाला आहे.स्पष्ट बहुमतात असल्यामुळे युवाशक्ती पॅनलचाच सरपंच होणार हे निश्चित झाले आहे.आरक्षण सोडत निघाल्यानंतर कोणाच्या गळ्यात सरपंच पदाची माळ पडते याची उत्सुकता गावकऱ्यांना लागलेली आहे.युवाशक्ती कडून गोपाल सुधाकर कदम ,अस्माबी लतीफशहा फकीर,कमलबाई तुळशीराम काळे,पद्माकर सिताराम सुरवाडे ,आणि मनीषा कृष्णा पाटील यांचा विजय झाला .

तर गावकरी पॅनल तर्फे मोहन माधव भोयटे,ज्योती गणेश शर्मा, रुपाली दिनकर ठोंबरे,अश्विनाबी इकबाल पटेल यांचा विजय झाला. सर्व विजयी उमेदवारांचे गुलाबपुष्प देऊन क्राईम बॉर्डर चे संस्थापक अध्यक्ष राजेंद्र वखरे यांनी अभिनंदन केले. व पुढील वाटचालीस शुभेच्छा दिल्या.