जामनेर तालुक्यात शिवसेनेचे २० ग्रामपंचायत सदस्य बिनविरोध

बेटावद बु ।। (क्राईम बॉर्डर प्रतिनिधी) :- जामनेर तालुक्यात सर्वाधिक २० सद्स्य बिनविरोध निवडण्याचा मान शिवसेनेला मिळाला आहे. अशी माहिती बेटावद बु।। शिवसेना शाखाप्रमुख भूषण गरुड यांनी क्राईम बॉर्डर ला दिली.ग्रा पं निवडणूकीची रणधुमाळी जोरदार सुरू असतांना शिवसेनेसाठी ही आनंदाची मोठी बाब आहे. शिवसेना जामनेर तालुक्यात आपला जम बसवत असून येणाऱ्या जि.प., पं. समिती निवडणुकीत शिवसेना खाते उघडणार अशी खात्री गरुड यांनी व्यक्त केली.

शिवसेनेच्या या यशाबद्द्ल जिल्हा उपप्रमुख डॉ.मनोहर पाटील ,युवा प्रमुख विश्वजित पाटील, विधानसभा क्षेत्र प्रमुख नीलकंठ पाटील यांनी शिवसैनिकांचे आभार मानून व विजयी सदस्यांना शुभेच्छा दिल्या.