लोणावळा मेडिकल असोसिएशन कडून एक लाखाच्या औषधांची मदत..

लोणावळा.सध्या जगभरात पसरलेल्या कोरोना व्हायरसमुळे सर्व शासकीय सुरक्षा यंत्रणा कामी लागल्या असून लोणावळ्यातील नागरिकांच्या सुरक्षे विषयी नगराध्यक्षा सुरेखा जाधव, मुख्याधिकारी सचिन पवार, उपनगराध्यक्ष श्रीधर पुजारी यांच्यावतीने शहरातील सर्व सामाजिक संस्था, दानशूर व्यक्ती व मेडिकल व्यावसायिकांना प्रशासनाला मदत करण्या करीता आवाहन करण्यात आले होते.

त्याच अनुषंगाने आज लोणावळा खंडाळा मेडिकल असो तर्फे लोणावळा नगरपरिषदेस अंदाजे एक लाख रुपयांची औषधे मुख्याधिकारी सचिन पवार , नगराध्यक्षा सुरेखा जाधव , उपनगराघ्यक्ष श्रीधर पुजारी यांच्याकडे सुपुर्द करण्यात आली.कोरोना व्हायरसच्या पार्श्वभूमीवर लोणावळा शहर मेडिकल असोसिएशनने प्रशासनास केलेली ही मदत खूप मोलाची ठरणार आहे.ही औषधे सुपूर्द करतेवेळी लोणावळा मेडीकल असोसिएशन चे अध्यक्ष नंदकिशोर ( राजू) खंडेलवाल, रमेश परमार, खुशाल परमार, रवि परमार, कुमार परमार, आनंद परमार, अभय गवले, अभय भंडारी, मनोज गुप्ता, मनोज ओसवाल, उर्वेश पञावाला आणि सहकारी उपस्थित होते.