सासऱ्या ने सुनेवर झाडली गोळी सुनेचा मृत्यू

ठाणे : सासऱ्याला सुनेने वेळेवर नाश्ता न दिल्याच्या शुल्लक कारणावरून संतप्त सासऱ्याने चक्क आपल्याच सुनेवर Accused Fired On Daughter In Law परवानाधारक रिव्हॉल्वरमधून गोळीबार केल्याचा धक्कादायक प्रकार घडला. गोळीबारात सुनेचा उपचारादरम्यान मृत्यू झाला आहे तर आरोपी सासरा काशिनाथ पाटील याच्या विरोधात हत्येचा गुन्हा दाखल झाला आहे. अशी माहिती व.पो.निरी.संतोष घाटेकर यांनी दिली.अधिक तपास राबोडी पोलीस करत Rabodi Police Station आहेत.ठाण्याच्या राबोडी पोलीस ठाण्याच्या हद्दीतील विहंग शांतीवन अपार्टमेंट, इमारत क्र ७, ऋतुपार्क जवळ ठाणे या सोसायटीमध्ये काशिनाथ पाटील यांचे कुटुंब राहायला आहे.

काशिनाथ पाटील यांच्या खाण्यापिण्याच्या व्यवस्थेकडे मोठी सून सीमा पाटील दुर्लक्ष करत होती. अशी सून सीमा हिला समजली.देखभाल करूनही उपयोग नाही,सासरे ओरड करत असल्याच्या भावनेतून सीमा हिने सासऱ्यास नाश्ता देणे बंद केले.गुरुवार १४ एप्रिल रोजी संध्याकाळी ६-१५ वाजण्याच्या सुमारास सासरा काशिनाथ पाटील याने त्याच्याजवळील परवानाधारक रिव्हॉल्वरमधून सून सीमा हिच्या पोटावर गोळीबार केला. गंभीर जखमी झालेल्या सीमा पाटील यांचा उपचारादरम्यान मृत्यू झाल्याचा धक्कादायक प्रकार समोर आला.

७६ वर्षीय काशिनाथ पाटील यांनी आपली सून सीमा ही सासऱ्याच्या खाण्यापिण्याकडे दुर्लक्ष करत असल्याची अफवा पसरवली. सादर अफवेच्या चर्चेचे पीक उगवले आणि मोठी सून असलेल्या सीमा पाटील हिच्या कानावर ते आले. सासऱ्याची सेवा केल्यानंतरही नावाची दवंडी पिटविणाऱ्या सासरा काशिनाथ पाटील आणि सून सीमा पाटील यांच्यात वादविवाद होऊ लागले.अखेर सून मृतक सीमा होणे सासरे काशिनाथ पाटील याना नाश्ता देणे बंद केले. पाटील यांचा संताप अनावर होत होता. असाच प्रकार गुरुवारी घडला आणि काशिनाथ पाटील यांच्या संतापाचा बांध तुटला. रागाच्या भरात पाटील यांनी परवानाधारक रिव्हॉल्वरमधून सीमाच्या पोटावर गोळीबार करून पोबारा केला. राबोडी पोलीस ठाण्यात प्रथम जीवे ठार मारण्याचा प्रयत्न आणि नंतर हत्येचा गुन्हा दाखल केला.

गुरुवारी संध्याकाळी केलेल्या गोळीबारात मोठी सून सीमा पाटील गंभीर जखमी झाली. प्रथम तिला जवळच्या स्थानिक खाजगी रुग्णालयात दाखल करण्यात आले.मात्र परिस्थिती गंभीर असल्याने सीमा हिला उपचारासाठी ज्युपिटर रुग्णालयात दाखल करण्यात आले.उपचारा दरम्यान सीमाचा मृत्यू झाला. राबोडी पोलीस ठाण्यात हत्येचा गुन्हा आरोपी काशिनाथ पाटील यांच्या विरोधात दाखल करण्यात आला.गोळीबाराच्या घटनेची माहिती मिळताच घटनास्थळी सहाय्यक पोलीस आयुक्त सोनाली ढोले, वरिष्ठ पोलीस निरीक्षक संतोष घाटेकर, पोलीस निरीक्षक गुन्हे राजेंद्र गुजर, सपोनि. अविनाश येवला, योगेश धोंगडे यांनी हजार राहून घटनास्थळाची पाहणी केली. पोलिसांनी घटनास्थळावरून हत्येत वापरण्यात आलेली परवानाधारक रिव्हॉल्वर हे जप्त केले. गोळीबार करून आरोपी काशिनाथ पाटील याने पोबारा केला. तर राबोडी पोलिसांनी विविध तीन पथके बनवून आरोपीला अटक करण्यासाठी रवाना झाल्याची माहिती वरिष्ठ पोलीस निरीक्षक राबोरी पोलीस ठाण्याचे संतोष घाटेकर यांनी दिली.