गुन्हे शाखा युनिट -३ कल्याण,युनिट -४ उल्हासनगर व खंडणी विरोधक पथकाने घरावर दरोडा घालणाऱ्या टोळीस केले शिताफीने अटक

कल्याण : विठठलवाडी पोलीस स्टेशन च्या हद्दीत घरावर दरोडा घालणाऱ्या टोळीस गुन्हे शाखा -३ कल्याण, गुन्हे शाखा -४ उल्हासनगर व खंडणी विरोधी पथक गुन्हे शाखा ठाणे शहर पोलीसांनी जकी कोंडूराम जगयासी राहणार श्रीराम चौक, उल्हासनगर नं.४ च्या फिर्यादीवरून अटक केली आहे.१) अकबर इमान खान, राहणार संतोषनगर, मुंब्रा , २) आसिफ वारीस अली शेख, राहणार उत्तरशिव, दहिसर, मुंब्रा, ३) शिवसिंग विरसिंग शिकलकर, राहणार अटाळीगांव, आंबिवली, कल्याण, ४) राहुलसिंग बबलूसिंग जुनी, राहणार शेलार चौक, त्रिमूर्तीनगर, पाथरली रोड, डोंबिवली अशी अटक करण्यात आलेल्यांची नावे आहेत.

याबाबत मिळालेली माहिती अशी की, फिर्यादी जकी जगयासी हे घरी झोपलेले असताना कोणीतरी अज्ञात चोरटयांनी घरामध्ये प्रवेश करून घरातील सोन्याचे दागिने, डीव्हीआर, ८० हजार रूपये रोख रक्कम असे एकूण १० लाख ४० हजार रूपये किंमतीचे रोख रक्कम दरोडा घालून चोरून नेले बाबत दिलेल्या तक्रारी वरून विठठलवाडी पो.स्टे. गु. रजि.नं. २७८ / २०२२ भादंवि कलम ३९५, ३९७, ४५२ सह भा. ह. कायदा कलम ४(२५) महाराष्ट्र पोलीस कायदा कलम ३७ (१) १३५ हा गुन्हा दिनांक ३०.०८.२०२२ रोजी दाखल करण्यात आला होता. सदरचा गुन्हा उघडकीस आणण्याकरीता विठठलवाडी पो.स्टे सह घटक-३ कल्याण, घटक-४ उल्हासनगर व खंडणी विरोधी पथक यांच्या एकूण ८ पथकाची नेमणूक करण्यात आली होती. नमूद गुन्ह्याच्या अनुषंगाने सदर पथकाने तपास करून मिळालेल्या सीसीटीव्ही फुटेज च्या आधारे ४ आरोपींना अटक करून पुढील तपासकामी विठ्ठलवाडी पोलीसांच्या ताब्यात दिले आहे.

सदर गुन्हा उघडकीस आणणे हे पोलीसांपुढे एक मोठे आव्हान असताना व नमूद गुन्ह्यातील आरोपींबाबत कोणतेही धागेदोरे व सुगावा नसतांना केवळ तांत्रिक विश्लेषणाद्वारे गुन्ह्याची उकल करण्यात आली. सदरची यशस्वी कामगिरी पोलीस आयुक्त जय जीत सिंह, सह पोलीस आयुक्त दत्तात्रय कराळे, अपर पोलीस आयुक्त, गुन्हे, अशोक मोराळे, पोलीस उप आयुक्त, गुन्हे, लक्ष्मीकांत पाटील सहा पो. आयुक्त शोध-१, सरदार पाटील, सहा. पोलीस आयुक्त शोध-२ अशोक राजपुत, व. पो.निरी.अनिल मांगले, गुन्हे शाखा, घटक-४ उल्हासनगर, व. पो.निरी. मालोजी शिंदे, खंडणी विरोधी पथक, गुन्हे शाखा, व. पो.निरी. किशोर शिरसाठ गुन्हे शाखा, घटक-३ कल्याण

पो.निरी. आनंद रावराणे गुन्हे शाखा, घटक ३, कल्याण तसेच गुन्हे शाखा घटक-३, ४ व खंडणी विरोधी पथकातील एपीआय. संपत फडोळ पो. उप निरीक्षक मोहन कळमकर, महेश कवळे, कैलास इंगळे, पो. हवा. सुहास म्हात्रे, पो. ना. भगवान हिवरे, पो.शि. तानाजी पाटील, पो.शि.देवेंद्र देवरे,एएसआय संजय माळी, पो.हवा.सचिन साळवी,पो. शि. शेकडे, पो.शि.जरग , पो.हवा. पोटे, पो. हवा. बोरकर, पो. हवा. कामत. पो. हवा. कडू, पो. हवा. माने, पो. हवा किशोर पाटील, पो. हवा. रमांकात पाटील, पो. ना. सचिन वानखेडे, पोशि चन्ने, एएसआय केंजळे, पो. हवा. भावेकर, पो. हवा. सावंत, पोहवा काटकर, पो. हवा. सपकाळे पो. शि. शेरमाने यांनी केली.