भुसावळ शहरासह ग्रामीण भागात उपद्रवीवर कडक कारवाईचे आदेश

सुरेश कोळी : भुसावळ तालुका ग्रामीण प्रतिनिधी / डॉ.शशिकांत काळे : नाशिक विभागीय संपादक 

भुसावळ :  भुसावळ शहरातील व ग्रामीण भागातील कायदा सुव्यवस्था अबाधित राखण्यासाठी प्रशासनाने उपद्रवी विरोधात चौकशी हद्दपारसाठी करत कडक पावले उचलली आहेत. 

यानुसार डी .वाय. एस.पी .केदारे बारबोले यांनी संबंधित व्यक्तींना नोटीस बजावल्या असून त्यांना कार्यालयात बोलावून त्यांचे म्हणणे एकूण घेतले जाणार आहे .या चौकशीनंतर पुढील निर्णय घेण्यात येणार असून हद्दपारची कारवाई निश्चित होण्याची शक्यता आहे .दरम्यान आगामी येणाऱ्या जिल्हा परिषद व पंचायत समिती निवडणुकांच्या पार्श्वभूमीवर प्रशासक सतर्क झाले आहे .भुसावळ तालुका पोलीस ठाण्यातील कार्यक्षेत्रातील उपद्रवी व्यक्ती विरोधातही हद्दपारचे प्रस्ताव तयार करण्याच्या सूचना देण्यात आल्या आहेत. त्यामुळे शहरासह ग्रामीण भागातही उपद्रवीवर कडक कारवाई होण्याचे संकेत मिळत आहे. प्रशासनाच्या या कारवाईमुळे शहरासह ग्रामीण भागातील कायदा व सुव्यवस्था राखण्यास मदत होणार असून नागरिकांच्या सुरक्षिततेची भावना वाढण्याची अपेक्षा व्यक्त केली जात आहे.