पिंपळगाव खुर्द येथे एका १४ वर्षीय मुलाचा शॉक लागून मृत्यू

भुसावळ :- वरणगाव येथून जवळच  असलेल्या पिंपळगाव खुर्द येथे एका १४ वर्षीय मुलाच्या मृत्यूने संपूर्ण गावात हळहळ पसरली आहे . धीरज योगेश कोळी हा पिंपळगाव येथील हरी किटकुल बढे प्राथमिक विद्यालयात शिकत होता . तो दिनांक १ मार्च रोजी दुपारी १ वाजता घरात एकटा असताना नळाला पाणी आल्याने पाणी भरण्यासाठी इलेक्ट्रिकल मोटार प्लगमध्ये जोडत असताना अचानक शॉक लागल्यामुळे तो जमिनीवर कोसळला आणि त्याचा जागीच मृत्यू झाला.

ही घटना घडली त्यावेळी धीरजचे आई-वडील शेतात गेले होते आणि तो घरात एकटाच होता . अचानक झालेल्या या घटनेने गावामध्ये शोककळा पसरली असून सर्वत्र धीरजच्या मृत्यूची चर्चा सुरू आहे. धीरजच्या  पश्चात आई-वडील, आजी ,एक मोठा भाऊ असा परिवार आहे. धीरज हा हुशार,होतकरू ,मैत्रीशील आणि अभ्यासात उत्कृष्ट विद्यार्थी होता शिक्षक आणि मित्र परिवाराने त्याच्या अचानक निधनामुळे सर्वत्र हळहळ व्यक्त होत आहे .