वरणगावात रिक्षा वादातून युवकावर दगडाने मारहाण

भुसावळ :- तालुक्यातील वरणगाव शहरातील तिरंगा सर्कल बस स्टॉप चौकात २८ रोजी दुपारी १२.३० वाजताचे सुमारास रिक्षाटॉप वरून रिक्षा प्रवासी भरण्याच्या वादातून मारहाणीची घटना समोर आली आहे. रिक्षाचालक सतीश लहे नरसिंग ठाकूर वय २६ राहणार वरणगाव ,रामपेठ यास राहुल सोपान वंजारी यांनी मारहाण केली आणि त्यांच्या डोक्यावर जमिनीवर पडलेला दगड उचलून डोक्यात मारला असा फिर्यादीचा आरोप आहे. फिर्यादीने सांगितले की, आरोपीने शिवीगाळ करत चापट ,लाथा, बुक्क्यांनी ,काठीने मारले  आणि त्यांना जीवे ठार मारण्याची धमकी दिली. 

या घटनेत फिर्यादी गंभीर जखमी झाले पोलीस सूत्राच्या माहितीनुसार आरोपी राहुल वंजारी यांच्यावर वरणगाव पोलीस ठाण्यात गुन्हा दाखल करण्यात आला आहे.पुढील तपास स. पो .नि. अमित कुमार बागुल यांच्या मार्गदर्शनाखाली पोलीस कर्मचारी करत आहे . पुढील तपास सुरू आहे