“डोंबिवलीचा अभिमान!” – भाजपा प्रदेशाध्यक्ष आमदार रविंद्र चव्हाण यांच्याकडून कु. शिवम वखरे यांचा गौरव

डोंबिवली (प्रतिनिधी) : डोंबिवलीचा सुपुत्र कु. शिवम सीमा राजेंद्र वखरे यांनी यूपीएससी (CSE 2025) परीक्षेत उल्लेखनीय यश संपादन करत शहराच्या शिरपेचात मानाचा तुरा रोवला आहे. कठोर परिश्रम, जिद्द, चिकाटी आणि सातत्यपूर्ण अभ्यासाच्या जोरावर मिळवलेल्या या यशाबद्दल सर्व स्तरांतून त्यांच्यावर कौतुकाचा वर्षाव होत आहे.

याच पार्श्वभूमीवर भाजपाचे प्रदेशाध्यक्ष तथा आमदार श्री. रविंद्र चव्हाण यांनी कु. शिवम वखरे यांचे विशेष अभिनंदन करत त्यांना पेढे भरवून गौरव केला. डोंबिवली पश्चिमेतील गणेश मंदिर संस्थान येथे झालेल्या या कार्यक्रमात त्यांनी शिवमच्या यशाचे कौतुक करत भावी वाटचालीसाठी शुभेच्छा दिल्या.

यावेळी कु. शिवम वखरे यांचे वडील ज्येष्ठ पत्रकार श्री. राजेंद्र वखरे तसेच अनेक मान्यवर उपस्थित होते. या यशामुळे डोंबिवली शहराचा गौरव वाढला असून, तरुणांसाठी प्रेरणादायी उदाहरण निर्माण झाले आहे.