Important:
रजिस्ट्रेशन के लिए यहाँ क्लिक करें
Register
डोंबिवली (प्रतिनिधी) :- खानदेशातील जळगाव येथे वास्तव्यास असलेले तलाठी अजय धनराज बिडवे यांची लाडकी सुकन्या कु. धनश्री बिडवे हिचा पहिला वाढदिवस आज सायंकाळी घरगुती वातावरणात मोठ्या आनंदात आणि उत्साहात साजरा करण्यात येणार आहे. कु. धनश्रीच्या पहिल्या वाढदिवसानिमित्त बिडवे कुटुंबात आनंदाचे वातावरण निर्माण झाले असून, नातेवाईक व आप्तेष्टांकडून तिला शुभेच्छा देण्यात येणार आहेत.
कु. धनश्रीच्या जन्माने बिडवे कुटुंबाच्या आनंदात भर पडली आहे. तिच्या इवल्याशा पावलांनी घरात प्रवेश केला आणि चार भिंतींनाही घरपण आले. तिच्या निरागस हास्याने आणि बाललीलांनी कुटुंबातील प्रत्येक क्षण आनंदाने फुलून गेला आहे. तिच्या पहिल्या वाढदिवसानिमित्त आज सायंकाळी कुटुंबीयांच्या उपस्थितीत आनंदोत्सवाचे आयोजन करण्यात आले आहे.
“इवलेसे पाऊल तुझे घरात पडले, चार भिंतींनाही घरपण आले; उंच उंच गगनात तू भरारी घ्यावी, तुझ्या कर्तृत्वाला कधीच सीमा नसावी,” अशा प्रेमळ शब्दांत कु. धनश्रीला वाढदिवसाच्या शुभेच्छा देण्यात येत आहेत.
कु. धनश्री, तू सदैव निरोगी, तंदुरुस्त आणि आनंदी राहावी. जीवनातील सर्वोच्च ध्येय साध्य करण्यासाठी तुझ्या पंखांना सदैव बळ मिळावे. तुझी सर्व स्वप्ने पूर्ण व्हावीत, तुला इच्छित प्रत्येक गोष्ट मिळावी आणि तुझ्या कर्तृत्वाने भविष्यात बिडवे कुटुंबाचे नाव उज्ज्वल व्हावे, अशा मनःपूर्वक सदिच्छा व्यक्त करण्यात येत आहेत.
तुझे आयुष्य उमलत्या फुलासारखे सदैव बहरत राहावे, तुझ्या जीवनात सुख, आनंद, समाधान आणि उत्तम आरोग्याची सदैव बरसात व्हावी आणि तुझ्या व्यक्तिमत्त्वाचा मधुर सुगंध आयुष्यभर दरवळत राहावा, अशी श्री स्वामी समर्थ महाराजांच्या चरणी प्रार्थना करण्यात येत आहे.
कु. धनश्रीच्या पहिल्या वाढदिवसाच्या निमित्ताने आज सायंकाळी होणाऱ्या या आनंदसोहळ्यामुळे बिडवे कुटुंबात उत्साहाचे आणि आनंदाचे वातावरण निर्माण झाले आहे.
लाडकी कु. धनश्री, तुला पहिल्या वाढदिवसाच्या मनःपूर्वक हार्दिक शुभेच्छा! तुझ्या आयुष्याची प्रत्येक वाट यश, आनंद आणि समृद्धीने फुलून जावो!
शुभेच्छुक : आई, बाबा, आजी ,आजोबा , भाऊ ,आत्या, मामा व काका
