रोटरी क्लब ऑफ डोंबिवली विनरतर्फे थॅलेसेमिया जनजागृती सत्र; बालकांच्या रक्तसंक्रमणासाठी देणगी सुपूर्द

डोंबिवली :- रोटरी क्लब ऑफ डोंबिवली विनरतर्फे २२ सप्टेंबर २०२६ रोजी थॅलेसेमिया जनजागृती सत्राचे यशस्वी आयोजन करण्यात आले होते. या कार्यक्रमाला रोटरी सदस्य, त्यांचे कुटुंबीय आणि मित्रपरिवार उपस्थित होते.

याप्रसंगी प्रमुख वक्ते डॉ. माधव बैतुले (डिस्ट्रिक्ट चेअरमन, ‘एंड थॅल नाऊ’) यांनी उपस्थितांना मार्गदर्शन केले. त्यांनी स्पष्ट केले की, थॅलेसेमिया हा एक गंभीर अनुवांशिक रक्तविकार असून रुग्णांना नियमित रक्तसंक्रमणावर अवलंबून राहावे लागते. परंतु, वेळेवर रक्त तपासणी करून हा आजार सहज टाळता येऊ शकतो, म्हणूनच याविषयी प्राथमिक तपासणी आणि व्यापक जनजागृती होणे अत्यंत गरजेचे आहे.

सामाजिक बांधिलकी जपत, थॅलेसेमियाग्रस्त बालकांच्या जीवनरक्षक रक्तसंक्रमणासाठी (Blood Transfusions) आणि वैद्यकीय उपचारांसाठी क्लबतर्फे 'रोटरी आश्रय ईटीएन डे केअर सेंटर'ला महत्त्वपूर्ण देणगी देण्यात आली. उपस्थितांच्या सकारात्मक प्रतिसादात हे सत्र अत्यंत उत्साहात संपन्न झाले.

कार्यक्रम यशस्वीतेसाठी रोटरी क्लब ऑफ डोंबिवली विनर्सचे प्रेसिडेंट उज्वल ठोंबरे व सेक्रेटरी शैलेश गोर व सदस्यांनी परिश्रम घेतले.