लोणावळ्यात राष्ट्रीय एकता दिवस साजरा; एलईडी स्क्रीनवर 'स्टॅच्यू ऑफ युनिटी' येथील मुख्य सोहळ्याचे थेट प्रक्षेपण

लोणावळा (प्रतिनिधी श्रावणी कामत) :- भारतरत्न लोहपुरुष सरदार वल्लभभाई पटेल यांच्या जयंती आणि माजी पंतप्रधान भारतरत्न इंदिरा गांधी यांच्या पुण्यतिथी निमित्त लोणावळा शहर पोलीस स्टेशन (पुणे ग्रामीण) च्या वतीने राष्ट्रीय एकता दिवसाचे आयोजन करण्यात आले.

पोलीस निरीक्षक श्री. महेश विधाते यांच्या मार्गदर्शनाखाली लोणावळा येथील छत्रपती शिवाजी महाराज चौकात विशेष एलईडी स्क्रीन लावण्यात आली होती. या स्क्रीनवर गुजरातच्या एकता नगर (श्री विजयपुरम - स्टॅच्यू ऑफ युनिटी) येथे होणारा राष्ट्रीय एकता दिवसाचा मुख्य शासकीय सोहळा लोणावळेकर नागरिकांसाठी थेट (लाईव्ह) दाखवण्यात आला.

यावेळी एकतेचा संदेश देण्यात आला. नागरिकांनी मोठ्या संख्येने उपस्थित राहून हा लाईव्ह सोहळा पाहिला.