डोंबिवली नगरीच्या शिरपेचात एक मानाचा तुरा 'एक दौड वीर जवानों के लिये !

Dombivli :क्राईम बॉर्डर टीम : रनर्स क्लॅन फाऊंडेशनची ४ फेब्रुवारी २०२४ रोजी अर्बन अल्ट्रा मॅरेथॉन ही गेट वे ऑफ इंडिया ते डोंबिवली अशी ६५ किमी अंतरासाठी होत आहे. आपल्या देशाच्या सुरक्षिततेसाठी अहोरात्र पहारा देणारे आपल्या वीर जवानांना मानवंदना देण्यासाठी 'एक दौड वीर जवानोंके लिए ' या संकल्पनेसह सदर दौड आयोजित केली आहे. ही दौड रात्री बारा वाजता सुरवात होऊन सकाळी आपल्या गंतव्य ठिकाणी पोहोचते. ही दौड चार मोठ्या शहरांतुन जात असते. रनर्स क्लॅन फाऊंडेशनचे ही दौड आयोजित करण्याचे चौथे वर्ष आहे. आणि दर वर्षी या दौडला अगदी देशपातळीवरून उत्स्फूर्त प्रतिसाद मिळत आहे. आणि या वर्षी देखील मोठ्या प्रमाणात दौडसाठी नावनोंदणी झालेली आहे. त्यामुळे रनर्स क्लॅन फाऊंडेशन लवकरच म्हणजे येत्या ३१ डिसेंबर रोजी नावनोंदणी बंद करणार आहे. त्यामुळे इच्छुक धावपटुंनी लवकरात लवकर आपली नावनोंदणी करून घ्यावी असे आवाहन संस्थेमार्फत केले आहे. नावनोंदणीची लिंक पुढीलप्रमाणे आहे. www.runnersclanfoundation.in/g2dregistration.